[130] เหตุ วิปากธมฺมธมฺโม เหตุสฺส วิปากธมฺมธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… นวฯ

[131] เหตุ วิปากธมฺมธมฺโม เหตุสฺส วิปากธมฺมธมฺมสฺส อนนฺตรปจฺจเยน ปจฺจโย…เป.… อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย… นว …อาเสวนปจฺจเยน ปจฺจโย… นวฯ

[132] นเหตุ วิปากธมฺมธมฺโม นเหตุสฺส วิปากธมฺมธมฺมสฺส กมฺมปจฺจเยน ปจฺจโย… ตีณิฯ

นเหตุ วิปากธมฺมธมฺโม นเหตุสฺส วิปากธมฺมธมฺมสฺส อาหารปจฺจเยน ปจฺจโย (สํขิตฺตํ)ฯ

[133] เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, อาเสวเน นว, กมฺเม ตีณิ, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ, อนุโลมํ)ฯ

ปจฺจนียุทฺธาโร

[134] เหตุ วิปากธมฺมธมฺโม เหตุสฺส วิปากธมฺมธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[135] นเหตุยา นว, นอารมฺมเณ นว (สํขิตฺตํ, ปจฺจนียํ)ฯ

เหตุปจฺจยา นอารมฺมเณ ตีณิ (สํขิตฺตํ, อนุโลมปจฺจนียํ)ฯ

นเหตุปจฺจยา อารมฺมเณ นว (สํขิตฺตํ, ปจฺจนียานุโลมํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

3. เนววิปากนวิปากธมฺมปทํ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[136] เหตุํ เนววิปากนวิปากธมฺมธมฺมํ ปฏิจฺจ เหตุ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิฯ

นเหตุํ เนววิปากนวิปากธมฺมธมฺมํ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิฯ

เหตุํ เนววิปากนวิปากธมฺมธมฺมญฺจ นเหตุํ เนววิปากนวิปากธมฺมธมฺมญฺจ ปฏิจฺจ เหตุ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[137] เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต นว, อาเสวเน นว, กมฺเม นว, วิปาเก เอกํ, อาหาเร นว, อินฺทฺริเย นว, ฌาเน นว, มคฺเค นว, สมฺปยุตฺเต นว, วิปฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นวฯ

นเหตุปจฺจยาทิ

[138] นเหตุํ เนววิปากนวิปากธมฺมธมฺมํ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ นเหตุปจฺจยาฯ (1)

[139] เหตุํ เนววิปากนวิปากธมฺมธมฺมํ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ นอารมฺมณปจฺจยาฯ (1)

นเหตุํ เนววิปากนวิปากธมฺมธมฺมํ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ นอารมฺมณปจฺจยาฯ (1)

เหตุํ เนววิปากนวิปากธมฺมธมฺมญฺจ นเหตุํ เนววิปากนวิปากธมฺมธมฺมญฺจ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ นอารมฺมณปจฺจยาฯ (1)

[140] เหตุํ เนววิปากนวิปากธมฺมธมฺมํ ปฏิจฺจ เหตุ เนววิปากนวิปากธมฺมธมฺโม อุปฺปชฺชติ นอธิปติปจฺจยา… นว…เป.…ฯ